Zaza Vaşakmadze Türkiyə Prezidentinin müşavirləri ilə görüşüb (FOTO)

Gürcüstan Hökumət Administrasiyasında Dini Məsələlər üzrə Dövlət Agentliyinin sədri Zaza Vaşakmadze Türkiyə nümayəndə heyəti ilə görüş keçirib. 24News.ge xəbər verir ki, agentliyin yaydığı məlumata görə, Zaza Vaşakmadze qonaqlara Gürcüstanın dini siyasətinin əsas istiqamətləri barədə məlumat verib və işğal altında olan ərazilərdə yaşayan vətəndaşların dini hüquqlarının pozulması faktlarına diqqət çəkib. Görüşdə Türkiyə Respublikasının Prezidentinin baş müşavirləri doktor İsrafil Kışla və doktor Ekta Saraç, Diyanət Dini İşlər İdarəsinin sədr müavini Dr. Hafiz Osman Şahin, Türkiyə Dini İşlər Vəqfi Dərnəyinin direktoru İzani Turan, Türkiyə Respublikasının Gürcüstandakı fövqəladə və səlahiyyətli səfiri Mustafa Türker Arı və Dini Attaşe Mahmut Göl iştirak ediblər. Məlumata əsasən, agentlik sədri dini azlıqların, o cümlədən Gürcüstandakı müsəlman icmasının hüquqlarının müdafiəsi, maliyyə dəstəyinin artırılması, ibadət yerlərinə maneəsiz çıxışın təmin edilməsi və bu sahədə həyata keçirilən layihələr barədə ətraflı danışıb. Türkiyə nümayəndə heyəti göstərilən qonaqpərvərliyə və təqdim olunan məlumatlara görə təşəkkür edib. Qonaqlar sərhəd qonşusu olan Gürcüstanla Türkiyə arasında münasibətlərin bütün sahələrdə əhəmiyyətini vurğulayıb, həmçinin Din Məsələləri üzrə Dövlət Agentliyi ilə əməkdaşlığın daha da genişləndirilməsində maraqlı olduqlarını bildiriblər.

www.24news.ge

Zaza Vaşakmadze Türkiyə Prezidentinin müşavirləri ilə görüşüb (FOTO)

Digər xəbərlər