DTX rəisi Ermənistana rəsmi səfər edib (FOTO)

Gürcüstanın Dövlət Təhlükəsizliyi Xidmətinin (DTX) rəisi Geka Geladze nümayəndə heyəti ilə birlikdə rəsmi səfərlə Ermənistanda olub. 24News.ge xəbər verir ki, bu barədə qurumun mətbuat xidməti məlumat yayıb. Məlumata görə, səfər çərçivəsində Geka Geladze Ermənistan Milli Təhlükəsizlik Xidmətinin direktoru Andranik Simonyan ilə görüş keçirib. Görüşdə Gürcüstan və Ermənistan arasında strateji tərəfdaşlıq münasibətləri, regionda baş verən proseslər və mövcud təhlükəsizlik çağırışları müzakirə olunub. Tərəflər qlobal təhdidlərə qarşı mübarizə çərçivəsində iki ölkənin təhlükəsizlik xidmətləri arasında əməkdaşlığın daha da genişləndirilməsinin vacibliyini vurğulayıblar. Geka Geladze erməni həmkarına göstərilən qonaqpərvərliyə görə təşəkkür edib və onu cavab səfəri ilə Gürcüstana dəvət edib. Geka Geladze Yerevana səfəri zamanı Ermənistan Milli Təhlükəsizlik Xidmətinin direktoru Andranik Simonian ilə birgə sərhəd xidmətinə baş çəkib və xüsusi təyinatlıların nümayişində iştirak ediblər. Döyüşçülər müxtəlif növ xüsusi əməliyyatlar və yanğın məşqlərinin simulyasiya olunmuş sahə tapşırıqlarını yerinə yetiriblər. Nümayiş məşqlərindən sonra iki ölkənin təhlükəsizlik xidmətinin rəhbərləri xüsusi təyinatlı zireh və texnikaya baxış keçirib. Görüşdə Gürcüstan Dövlət Təhlükəsizliyi Xidmətinin rəis müavinləri Tamaz Boraşvili və Aleksandre Maisuradze də iştirak ediblər.

www.24news.ge

DTX rəisi Ermənistana rəsmi səfər edib (FOTO)

Digər xəbərlər