Nazir Marneulidə qida zavodu və kənd təsərrüfatı müəssisəsinin fəaliyyəti ilə tanış olub (FOTO)

Gürcüstanın Ətraf Mühitin Mühafizəsi və Kənd Təsərrüfatı naziri Davit Sonğulaşvili Marneuliyə səfəri çərçivəsində “Marneuli Qida Zavodu” və “Lomtaqora” şirkətinin fəaliyyəti ilə tanış olub. 24News.ge xəbər verir ki, nazir səfər zamanı Kvemo Kartli üzrə dövlət nümayəndəsi İliya Calağaniya, Marneuli meri Daur İsmayılov və Sakrebulo sədri Amiran Qiorqadze ilə birlikdə “Marneuli Qida Zavodu”na baş çəkib. 2007-ci ildə təsis edilən müəssisə hazırda Gürcüstanın iri qida məhsulları istehsalçılarından biri hesab olunur. Zavodda 50-dən çox çeşiddə məhsul, o cümlədən tomat pastası, tkemali, acika, marinadlar, müxtəlif souslar, cem və mürəbbələr istehsal edilir. Müəssisənin məhsulları Gürcüstan bazarı ilə yanaşı, xarici ölkələrə də ixrac olunur. Zavodun məhsulları, o cümlədən Avropa və Amerika bazarlarına çıxarılır. Davit Sonğulaşvili daha sonra Marneuli Munisipalitetində fəaliyyət göstərən “Lomtaqora” şirkətinin kənd təsərrüfatı sahələrinə baş çəkib. Nazir burada buğda istehsalı və seleksiyası istiqamətində aparılan işlərlə, o cümlədən yerli buğda sortlarının sınaqdan keçirilməsi və inkişaf etdirilməsi prosesi ilə tanış olub. “Lomtaqora” buğda və qarğıdalı becərilməsi, toxumçuluq, heyvandarlıq və kənd təsərrüfatı məhsullarının emalı ilə məşğul olan şirkətdir. Şirkətin fəaliyyətinin əsas istiqamətlərindən birini taxıl emalı təşkil edir. Müəssisə daş dəyirmanlarla təchiz olunub və Gürcüstan buğdası və qarğıdalısından müxtəlif növ un məhsulları istehsal edir.

www.24news.ge

Nazir Marneulidə qida zavodu və kənd təsərrüfatı müəssisəsinin fəaliyyəti ilə tanış olub (FOTO)

Digər xəbərlər