Gürcüstanda toyuq əti idxalı rekord həddə çatıb - Çin liderlik edir

Gürcüstanda toyuq əti və ət məhsullarının idxalı rekord həddə çatıb. 24News.ge xəbər verir ki, sakstatın məlumatına görə, 2026-cı ilin yanvar-iyul aylarında Gürcüstan 69,662 milyon dollar dəyərində 46 700 ton toyuq əti və ət məhsulları idxal edib. Bu, 2009-cu ildən bəri qeydə alınan ən yüksək göstəricidir. İdxal olunan məhsulların ən böyük hissəsi Çinin payına düşüb. İkinci yerdə Ukrayna, daha sonra isə Braziliya, ABŞ və Türkiyə qərarlaşıb. Gürcüstanın əsas idxalçı ölkələrdən aldığı toyuq əti və ət məhsullarının həcmi belə olub: Çin – 24,110 milyon dollar dəyərində 14 608 ton; Ukrayna – 15,711 milyon dollar dəyərində 8 989 ton; Braziliya – 8,434 milyon dollar dəyərində 6 976 ton; ABŞ – 6,377 milyon dollar dəyərində 5 439 ton; Türkiyə – 5,702 milyon dollar dəyərində 4 121 ton. Bununla yanaşı, Gürcüstandan toyuq əti və ət məhsullarının ixracında azalma qeydə alınıb. 2025-ci ilin yanvar-iyul aylarında Gürcüstandan 5,230 milyon dollar dəyərində 2 724 ton məhsul ixrac edildiyi halda, 2026-cı ilin eyni dövründə bu göstərici 1,898 milyon dollar və 1 298 ton təşkil edib. Sakstatın məlumatına əsasən, 2026-cı ilin yanvar-iyul aylarında Gürcüstandan dondurulmuş və ya soyudulmuş ev quşlarının əti və ət məhsulları yalnız 5 ölkəyə ixrac olunub. İxracın əsas istiqamətləri Ermənistan, Azərbaycan, Qvineya, Liberiya və Qana olub. Belə ki, Ermənistana 935,5 min dollar dəyərində 542 ton, Azərbaycana 638,8 min dollar dəyərində 384 ton, Qvineyaya 192,5 min dollar dəyərində 226 ton, Liberiyaya 104,4 min dollar dəyərində 117 ton, Qanaya isə 27,4 min dollar dəyərində 27 ton məhsul ixrac edilib.

www.24news.ge

Gürcüstanda toyuq əti idxalı rekord həddə çatıb - Çin liderlik edir

Digər xəbərlər