Rusiyada parlament seçkilərinin ilkin nəticələri açıqlanıb

Rusiya Mərkəzi Seçki Komissiyasının sədri Ella Pamfilovanın açıqladığı ilkin nəticələrə əsasən, Dövlət Dumasına keçmək üçün tələb olunan 5%-lik baryeri dörd partiya keçib. 24News.ge xəbər verir ki, Pamfilovanın məlumatına görə, nəticələr aşağıdakı kimidir: “Vahid Rusiya” – 57,83% Rusiya Federasiyası Kommunist Partiyası – 13,81% Rusiya Liberal-Demokrat Partiyası (LDPR) – 8,97% “Yeni İnsanlar” – 7,96%. “Ədalətli Rusiya” partiyasının da 5%-lik baryeri keçmək şansının qaldığı bildirilib. Lakin daha sonrakı hesablamalarda partiyanın göstəricisi 5%-dən aşağı düşüb. İlkin məlumatlara əsasən, “Vahid Rusiya” 225 birmandatlı seçki dairəsinin 208-də liderdir. Kommunist Partiyasının namizədləri 5 dairədə, “Ədalətli Rusiya”nın namizədləri 4 dairədə, LDPR 2 dairədə, “Rodina” isə 1 dairədə öndədir. Dörd birmandatlı dairədə isə müstəqil namizədlər liderlik edir. Pamfilovanın açıqladığı ilkin bölgüyə əsasən, “Vahid Rusiya” 355, Kommunist Partiyası 40, LDPR 25, “Yeni İnsanlar” 20, “Ədalətli Rusiya” isə 4 mandat əldə edib. Dövlət Dumasında ümumilikdə 450 deputat yeri var.

www.24news.ge

Rusiyada parlament seçkilərinin ilkin nəticələri açıqlanıb

Digər xəbərlər