კობახიძე უნგრეთის რევოლუციის 70 წლისთავისადმი მიძღვნილ ღონისძიებებში მიიღებს მონაწილეობას

პრემიერ-მინისტრი ირაკლი კობახიძე უნგრეთის პრემიერ-მინისტრის, პეტერ მადიარის მიწვევით, ბუდაპეშტში უნგრეთის რევოლუციის 70 წლისთავისადმი მიძღვნილ ღონისძიებებში მიიღებს მონაწილეობას. 24News.ge-ის ინფორმაციით, ამის შესახებ საქართველოს მთავრობის ადმინისტრაციის პრესსამსახური იტყობინება. ინფორმაციის თანახმად, საიუბილეო ღონისძიების მთავარი ნაწილი 23 ოქტომბერს უნგრეთის დედაქალაქში, ცენტრალურ მოედანზე გაიმართება. ღონისძიებაზე უნგრეთის პრემიერ-მინისტრი პეტერ მადიარი სიტყვით გამოვა. საქართველოს პრემიერ-მინისტრის სახელზე გაგზავნილ ოფიციალურ მოწვევის წერილში მადიარმა ხაზი გაუსვა 1956 წლის უნგრეთის რევოლუციის მნიშვნელობას ევროპის თავისუფლების საერთო ისტორიაში. „1989 წელს ცენტრალური ევროპის მიერ საბოლოოდ დაბრუნებული თავისუფლება 1989 წელს არ დაწყებულა. მისი ისტორიის ნაწილი 33 წლით ადრე, ბუდაპეშტის ქუჩებში დაიწერა. ჩემთვის დიდი პატივია, მოგიწვიოთ ბუდაპეშტში, რათა ერთად აღვნიშნოთ 1956 წლის უნგრეთის რევოლუციის 70 წლისთავი. ჩვენთვის დიდი პატივი იქნება თქვენი მონაწილეობა ღონისძიებაში, სადაც პატივს მივაგებთ იმ ადამიანების ხსოვნას, რომლებიც დღესაც შთაგვაგონებენ ჩვენი საერთო ევროპული მომავლისთვის და რომელთა მემკვიდრეობაც ჩვენი დროის გამოწვევებზე პასუხის გაცემაში გვეხმარება“, — აღნიშნულია პეტერ მადიარის მოწვევის წერილში.

www.24news.ge

კობახიძე უნგრეთის რევოლუციის 70 წლისთავისადმი მიძღვნილ ღონისძიებებში მიიღებს მონაწილეობას

სხვა სიახლეები