Polşada Putinin tənqidçisinin qətli ilə bağlı Gürcüstan vətəndaşı Elnurdan sonra Mahmud da saxlanılıb

Polşada Rusiya Prezidenti Vladimir Putinin tənqidçisi Semyon Skrepetskinin qətlə yetirilməsi işi üzrə daha bir Gürcüstan vətəndaşı saxlanılıb. 24News.ge xəbər verir ki, bu barədə Polşanın xüsusi xidmət orqanlarına məsul nazir-koordinatoru Tomaş Semonyak sosial şəbəkədə məlumat yayıb. Onun sözlərinə görə, bu ilin iyun ayında Biala Podlyaska şəhərində Rusiya vətəndaşının qətlə yetirilməsi ilə bağlı aparılan istintaq çərçivəsində Daxili Təhlükəsizlik Agentliyinin əməkdaşları ikinci şübhəlini saxlayıblar. Məlumata əsasən, 22 yaşlı Məhmut A. adlı şəxs Gürcüstandan Polşaya uçduqdan bir gün sonra saxlanılıb. O, qətl törədilməsinə kömək etməkdə, həmçinin odlu silahı və döyüş sursatını qanunsuz saxlamaqda ittiham olunur. Saxlanılan şəxs ona qarşı irəli sürülən ittihamları qəbul etmir. Məhkəmə isə onun barəsində üç aylıq həbs qətimkan tədbiri seçib. Qeyd edək ki, 44 yaşlı rusiyalı müxalifətçi, Vladimir Putinin tənqidçisi və rəssam Semyon Skrepetski bu il iyunun 15-də Polşanın Biala-Podlyaska şəhərində qətlə yetirilib. Ona beş dəfə atəş açılıb. Onun əsl adı Robert Kuzovkovdur. Skrepetski 2021-ci ildə Polşaya köçərək orada yaşamağa başlayıb. Cinayətdən üç gün sonra ilk şübhəli, Gürcüstan vətəndaşı Elnur A. saxlanılıb. İstintaqın versiyasına görə, Məhmut A. qətlin törədilməsində Elnur A.-ya kömək etmiş ola bilər.

www.24news.ge

Polşada Putinin tənqidçisinin qətli ilə bağlı Gürcüstan vətəndaşı Elnurdan sonra Mahmud da saxlanılıb

Digər xəbərlər