მარნეულის მერიაში დაკავებული პირის ვინაობა ცნობილია

მარნეულის მუნიციპალიტეტში განსაკუთრებით დიდი ოდენობით თაღლითობის მცდელობის ფაქტზე მერიის ადმინისტრაციული სამსახურის თანამშრომელი რიმა ოთარაშვილი და კიდევ ერთი მოქალაქე სისხლის სამართლის პასუხისმგებლობაში მიეცნენ. ინფორმაციის თანახმად, ეჭვმიტანილმა მარნეულის მუნიციპალიტეტში მდებარე 20 000 კვადრატული მეტრი მიწის ნაკვეთის რამდენიმე ნაწილად დაყოფისა და გამოყოფის საკითხის მერიის მიერ დადებითად გადაწყვეტის დაპირებით მოქალაქეს 60 000 აშშ დოლარი მოსთხოვა. მან აღნიშნული თანხიდან წინასწარ 5 000 აშშ დოლარი მიიღო. ფაქტთან დაკავშირებით გამოძიება მიმდინარეობს საქართველოს სისხლის სამართლის კოდექსის 19-ე მუხლით, 180-ე მუხლის მე-2 ნაწილის „ა“ ქვეპუნქტით და მე-3 ნაწილის „ბ“ ქვეპუნქტით. აღნიშნული მუხლები ითვალისწინებს თავისუფლების აღკვეთას 6-დან 9 წლამდე ვადით.

www.24news.ge

მარნეულის მერიაში დაკავებული პირის ვინაობა ცნობილია

სხვა სიახლეები