İran XİN: ABŞ ilə yekun razılaşma hələ əldə olunmayıb

İranla ABŞ arasında danışıqlar davam etsə də, yekun razılaşma hələ əldə edilməyib. 24News.ge xəbər verir ki, bu barədə İran Xarici İşlər Nazirliyinin (XİN) sözçüsü İsmayıl Bəqai açıqlama verib. Onun sözlərinə görə, tərəflər arasında qarşılıqlı anlaşma memorandumu ilə bağlı mesaj mübadiləsi davam edir, lakin yekun razılaşma hələ əldə olunmayıb. İran XİN rəsmisi əlavə edib ki, hazırda nüvə məsələsi ilə bağlı danışıqlar aparılmır. “Bu mərhələdə diqqətimiz müharibənin başa çatdırılması məsələsinə yönəlib”, – deyə Xarici İşlər Nazirliyinin sözçüsü qeyd edib. "Biz "məcburdur" dili ilə 47 il əvvəl vidalaşmışıq. Qərb ölkələrinin heç biri İran haqqında danışarkən bu dildən istifadə edə bilməz. Şübhəsiz ki, İran və Oman elə mexanizmlər qəbul etməlidir ki, həm sahilyanı ölkələr olaraq özlərinin milli maraqları və təhlükəsizliyi qorunsun, həm də beynəlxalq birliyə bu marşrut üzrə gəmiçiliyin təhlükəsiz şəkildə həyata keçirildiyinə dair əminlik verilsin. Bu, aydın və təbii bir məsələdir", - deyə Bəqai bildirib.

www.24news.ge

İran XİN: ABŞ ilə yekun razılaşma hələ əldə olunmayıb

Digər xəbərlər