Qəsdən adam öldürməyə cəhd və zorakılıq ittihamı ilə saxlanılanlar var

Tbilisi Polis Departamentinin əməkdaşları qəsdən adam öldürməyə cəhd, qrup halında törədilmiş zorakılıq və xüsusilə ağır cinayətin gizlədilməsi ittihamları ilə 2 nəfəri saxlayıb. 24News.ge xəbər verir ki, bu barədə Daxili İşlər Nazirliyi məlumat yayıb. Qurumun məlumatına əsasən, istintaq nəticəsində müəyyən edilib ki, təqsirləndirilən şəxslər Tbilisidə qarşılıqlı mübahisə zəminində gənc bir kişiyə qarşı fiziki zorakılıq tətbiq ediblər. Qarşıdurma zamanı təqsirləndirilən şəxslərdən biri soyuq silahdan istifadə edərək zərərçəkənə xəsarət yetirib, bundan sonra isə təqsirləndirilənlər hadisə yerindən qaçıblar. İş üzrə həyata keçirilmiş operativ tədbirlər və istintaq nəticəsində hüquq-mühafizə orqanlarının əməkdaşları cinayətdə iştirak edən hər iki şəxsi isti izlərlə saxlayıblar. "İstintaq Cinayət Məcəlləsinin 19-108-ci, 126-cı və 375-ci maddələri ilə aparılır ki, bu da 15 ilədək azadlıqdan məhrumetmə cəzasını nəzərdə tutur”, – deyə məlumatda qeyd olunub.

www.24news.ge

Qəsdən adam öldürməyə cəhd və zorakılıq ittihamı ilə saxlanılanlar var

Digər xəbərlər