Marneulidə izdihamlı "Tasua" yürüşü baş tutub (VİDEO)

Hər il olduğu kimi, bu il də Marneulidə fəaliyyət göstərən dini təşkilatlar və məscidlərin birgə təşkilatçılığı ilə izdihamlı “Tasua” mərasimi keçirilib. 24News.ge xəbər verir ki, minlərlə insanın iştirakı ilə keçirilən mərasim Gürcüstan Əhli-Beyt (ə) Cəmiyyəti binasının qarşısından başlayıb. Din xadimlərinin, ictimaiyyət nümayəndələrinin və inanclı müsəlmanların geniş iştirakı ilə baş tutan yürüş zamanı mərsiyələr oxunub, İslami şüarlar səsləndirilib. “Tasua” mərasiminin əsas şüarı “Bütün din və inancların gözlədiyi xilaskarın zühuru Kərbəla qiyamının davamıdır” olub. Yürüş İmam Əli (ə) Məscidində başa çatıb. Mərasimin sonunda İmam Cümə Hacı Hacıyev çıxış edərək İmam Hüseynin (ə) qiyamının məqsədlərindən, həmçinin təşkil olunan mərasimlərin mənəvi və ictimai əhəmiyyətindən danışıb. O, son günlər Marneulidə keçirilən matəm məclisləri ilə bağlı səsləndirilən iddialara da kəskin münasibət bildirib. Qeyd edək ki, çıxışdan sonra mərasim mərsiyələr və dualarla yekunlaşıb.

www.24news.ge

Marneulidə izdihamlı "Tasua" yürüşü baş tutub (VİDEO)

Digər xəbərlər