Putin: "Qərb ölkələri Rusiya ilə müharibəyə hazırlaşdıqlarını açıq şəkildə bəyan edirlər"

Rusiya Prezidenti Vladimir Putin hərbi akademiyaların məzunları ilə görüşü zamanı Qərb ölkələrinin Rusiya ilə mümkün müharibəyə hazırlaşdıqlarını açıq şəkildə bəyan etdiklərini söyləyib. 24News.ge xəbər verir ki, Putinin sözlərinə görə, Avropa siyasətçiləri hərbi xərclərin artırılmasını və dövlətlərin sürətli militarizasiyasını əsaslandırmaq üçün Rusiyadan qaynaqlanan təhlükə ilə bağlı “saxta iddialardan” istifadə edirlər. “Qərbdə açıq şəkildə bəyan edirlər ki, bizimlə müharibəyə hazırlaşırlar, hərbi büdcələri artırırlar. NATO və Avropa İttifaqının liderləri bu xərcləri və dövlətlərinin radikal militarizasiyasını əsaslandırmaq üçün guya Rusiyadan gələn hərbi təhlükə barədə yalan bəyanatlar verirlər”, – deyə Putin bildirib. Rusiya Prezidenti vurğulayıb ki, ölkəsi istənilən xarici və daxili təhdidə operativ və adekvat cavab verməyə hazırdır: “İstənilən xarici və daxili təhlükəyə operativ və adekvat şəkildə cavab verməyə hazırıq”, – deyə o qeyd edib. Putin çıxışında Ukraynaya qarşı davam edən müharibəyə də toxunaraq bildirib ki, Rusiyanın “xüsusi hərbi əməliyyat” adlandırdığı müharibə zonasında xidmət edən hərbçilər “tarixi torpaqları azad edirlər”. “Bu gün rus zabit və əsgərləri xüsusi hərbi əməliyyat çərçivəsində qarşıya qoyulan vəzifələri cəsarətlə və effektiv şəkildə yerinə yetirir, bizim tarixi torpaqlarımızı azad edirlər”, – deyə Rusiya Prezidenti bildirib.

www.24news.ge

Putin: "Qərb ölkələri Rusiya ilə müharibəyə hazırlaşdıqlarını açıq şəkildə bəyan edirlər"

Digər xəbərlər