მარნეულში ხალხმრავალი „თასუას“ მსვლელობა გაიმართა

როგორც ყოველ წელს, წელსაც მარნეულში მოქმედი რელიგიური ორგანიზაციებისა და მეჩეთების ერთობლივი ორგანიზებით ხალხმრავალი „თასუას“ მსვლელობა გაიმართა. როგორც 24News.ge იუწყება, ათასობით ადამიანის მონაწილეობით გამართული ღონისძიება საქართველოში აჰლი-ბეითის (ა) საზოგადოების შენობის მიმდებარე ტერიტორიიდან დაიწყო. მსვლელობაში სასულიერო პირები, საზოგადოების წარმომადგენლები და მორწმუნე მუსლიმები ფართოდ მონაწილეობდნენ. მსვლელობის დროს იკითხებოდა მარსიები და ისმოდა ისლამური მოწოდებები. „თასუას“ ღონისძიების მთავარი ლოზუნგი იყო: „ყველა რელიგიისა და რწმენის მიმდევართა მიერ ნანატრი მხსნელის გამოჩენა კარბალას აჯანყების გაგრძელებაა“. მსვლელობა იმამ ალის (ა) მეჩეთში დასრულდა. ღონისძიების დასასრულს იმამ-ჯუმა ჰაჯი ჰაჯიევმა სიტყვით გამოსვლისას ისაუბრა იმამ ჰუსეინის (ა) აჯანყების მიზნებზე, ასევე გამართული რელიგიური ღონისძიებების სულიერ და საზოგადოებრივ მნიშვნელობაზე. მან ასევე მკაცრად გამოეხმაურა ბოლო დღეებში მარნეულში გამართულ სამგლოვიარო შეკრებებთან დაკავშირებით გავრცელებულ ბრალდებებს.

www.24news.ge

მარნეულში ხალხმრავალი „თასუას“ მსვლელობა გაიმართა

სხვა სიახლეები