Polis əməkdaşlarına hücum etməkdə təqsirləndirilən şəxs saxlanılıb

Daxili İşlər Nazirliyinin əməkdaşları İmereti bölgəsində polis əməkdaşlarına hücum etmək ittihamı ilə bir nəfəri saxlayıblar. 24News.ge xəbər verir ki, nazirliyin məlumatına görə, hadisə iyunun 26-da Zestafoni şəhərində baş verib. Bildirilir ki, şübhəli şəxs hüquq-mühafizə orqanlarının əməkdaşları xidməti vəzifələrini yerinə yetirərkən onları təhqir edib, soyuq silahla hədələyərək öldürəcəyi ilə bağlı təhdidlər səsləndirib və Daxili İşlər Nazirliyinin balansında olan xidməti avtomobilə ziyan vurub. Faktla bağlı Cinayət Məcəlləsinin polis əməkdaşına hücumu nəzərdə tutan 353¹-ci maddəsinin birinci hissəsi ilə istintaq aparılır. Təqsiri sübuta yetiriləcəyi halda saxlanılan şəxsi 7 ilədək azadlıqdan məhrumetmə cəzası gözləyir.

www.24news.ge

Polis əməkdaşlarına hücum etməkdə təqsirləndirilən şəxs saxlanılıb

Digər xəbərlər