Rustavidə avtomobillərdən oğurluq edən 3 nəfər saxlanılıb (VİDEO)

Daxili İşlər Nazirliyinin Kvemo Kartli Polis Departamentinin Rustavi Şəhər İdarəsinin əməkdaşları oğurluq ittihamı ilə əvvəllər məhkum olunmuş və hazırda şərti cəza altında olan 3 nəfəri saxlayıblar. 24News.ge xəbər verir ki, nazirliyin məlumatına görə, istintaq nəticəsində müəyyən edilib ki, təqsirləndirilən şəxslər müxtəlif vaxtlarda Rustavi şəhərində vətəndaşlara məxsus avtomobillərdən müxtəlif avtomobil hissələrini və bank kartlarını qanunsuz olaraq oğurlayıblar. Bildirilib ki, hüquq-mühafizə orqanlarının əməkdaşları həyata keçirdikləri operativ-axtarış və istintaq tədbirləri nəticəsində şübhəlilərin şəxsiyyətini qısa müddətdə müəyyən edərək onları Rustavidə saxlayıblar. Oğurlanmış əşyalar isə maddi sübut kimi götürülüb. Faktla bağlı Cinayət Məcəlləsinin 177-ci maddəsinin 2-ci və 3-cü hissələri ilə istintaq aparılır. Təqsiri sübuta yetiriləcəyi halda saxlanılan şəxsləri 7 ilədək azadlıqdan məhrumetmə cəzası gözləyir.

www.24news.ge

Rustavidə avtomobillərdən oğurluq edən 3 nəfər saxlanılıb (VİDEO)

Digər xəbərlər