Səhər saatlarında ölkə miqyasında elektirik enerjisi yenidən kəsilib

Gürcüstan Dövlət Elektrik Sistemi ölkə ərazisində elektrik enerjisinin verilişində qısa müddətli qəzanın baş verdiyini açıqlayıb. 24News.ge xəbər verir ki, qurumun məlumatına görə, hadisə təxminən saat 08:00-da qeydə alınıb və ölkə üzrə elektrik enerjisinin verilişi qısa müddətə dayanıb. Məlumatda bildirilir ki, Tbilisinin və regionların böyük hissəsinə elektrik enerjisinin verilişi mərhələli şəkildə bərpa olunub. Qurumun açıqlamasına əsasən, ölkə üzrə elektrik təchizatının tam bərpası prosesi ən qısa zamanda başa çatdırılacaq. Eyni zamanda, qəzanın dəqiq səbəblərinin müəyyənləşdirilməsi istiqamətində araşdırma aparılır. Nəticələrlə bağlı ictimaiyyətə əlavə məlumat veriləcək. Xatırladaq ki, 24 iyul tarixində, təxminən saat 00:10-da ölkənin enerji sistemində baş verən sistem kəsilməsi elektrik və telekommunikasiya şəbəkələrində fasilələrə səbəb oldu. Nəticədə, Tbilisidə və Gürcüstanın əksər bölgələrində elektrik təchizatı müvəqqəti olaraq kəsildi. Hadisənin rəsmi səbəbi hələlik açıqlanmayıb.

www.24news.ge

Səhər saatlarında ölkə miqyasında elektirik enerjisi yenidən kəsilib

Digər xəbərlər