Dəmirli kəndində rəmzi futbol oyunu ilə yerli hakimiyyətə çağırış edildi (FOTO)

Bolnisi bələdiyyəsinin Dəmirli kənd sakinləri yaşayış məntəqəsində futbol meydançası və istirahət parkının inşası tələbi ilə yerli hakimiyyətə rəsmi müraciət ediblər. 24News.ge xəbər verir ki, təşəbbüsə diqqət çəkmək məqsədilə kənddə uşaqlar arasında rəmzi futbol oyunu təşkil olunub. Tədbir zamanı sakinlər imza toplayaraq müraciəti aidiyyəti qurumlara təqdim ediblər. Kənd sakinlərinin sözlərinə görə, Dəmirli kəndində uşaq və gənclərin asudə vaxtını səmərəli keçirməsi üçün futbol meydançası, park və digər istirahət infrastrukturu mövcud deyil. Sakinlər qaldırdıqları məsələnin qısa müddətdə müsbət həll olunacağına ümid etdiklərini və prosesin gedişini diqqətdə saxlayacaqlarını bildiriblər.

www.24news.ge

Dəmirli kəndində rəmzi futbol oyunu ilə yerli hakimiyyətə çağırış edildi (FOTO)

Digər xəbərlər