Məktəb formalarının qiyməti açıqlandı

Gürcüstanın Təhsil, Elm və Gənclər Nazirliyi dövlət məktəblərinin ibtidai pillə şagirdləri üçün məktəb formalarının qiymətini müəyyənləşdirib. 24News.ge xəbər verir ki, qurumun məlumatına görə, məktəb pencəyinin qiyməti 45 lari, şalvar və ətəyin qiyməti isə 25 lari olaraq təyin edilib. Bildirilir ki, 2026–2027-ci tədris ilindən etibarən ibtidai sinif şagirdləri üçün məktəb formasının geyinilməsi məcburi olacaq. Bağlanan müqavilə çərçivəsində ümumilikdə 1 801 000 ədəd məktəb formasının istehsalı nəzərdə tutulur. Təhsil naziri Givi Minqanaadzenin sözlərinə görə, 15 sentyabr tarixinədək bütün birinci sinif şagirdlərinin məktəb forması ilə təmin olunması planlaşdırılır. Birinci semestr ərzində isə mərhələli şəkildə 2–6-cı sinif şagirdlərinə də formalar paylanacaq. Bundan əlavə, Gürcüstanın Baş nazirinin qərarına əsasən, ailəsinin sosial reytinq balı 60 000-dən aşağı olan şagirdlər məktəb formasını pulsuz əldə edəcəklər.

www.24news.ge

Məktəb formalarının qiyməti açıqlandı

Digər xəbərlər