Marneuli Mədəniyyət Evinin təmir-bərpa işlərinə 7 milyon laridən çox vəsait ayrılıb (VİDEO)

Mədəniyyət Evində təmir-bərpa işlərinə artıq iyun ayından başlanılıb və layihənin təxminən üç il ərzində mərhələli şəkildə həyata keçirilməsi nəzərdə tutulur. 24News.ge xəbər verir ki, Marneuli meri Daur İsmayılov jurnalistlərə açıqlamasında bildirib ki, layihənin maliyyələşdirilməsi həm yerli, həm də mərkəzi büdcədən ayrılan vəsait hesabına həyata keçirilir. Mer qeyd edib ki, yenidənqurma işləri çərçivəsində Mədəniyyət Evində fiziki məhdudiyyətli şəxslərin rahat istifadəsi üçün də bütün zəruri şərait yaradılacaq. Daur İsmayılovun sözlərinə görə, təmir-bərpa işləri müddətində Mədəniyyət Evində fəaliyyət göstərən rəqs qrupları, musiqi dərsləri və digər mədəni tədbirlərin davamlılığının təmin edilməsi üçün alternativ məkanların müəyyənləşdirilməsi istiqamətində də müvafiq işlər aparılır. Layihənin başa çatdırılmasından sonra Mədəniyyət Evinin daha müasir infrastruktura malik, müxtəlif yaş qruplarından olan sakinlərin mədəni və yaradıcı fəaliyyətlərdən daha rahat yararlana biləcəyi bir məkana çevrilməsi planlaşdırılır. Mövzu ilə bağlı daha ətraflı əməkdaşlarımızın hazırladığı reportajı təqdim edirik:

www.24news.ge

Marneuli Mədəniyyət Evinin təmir-bərpa işlərinə 7 milyon laridən çox vəsait ayrılıb (VİDEO)

Digər xəbərlər