Marneulidə köhnə binaların vəziyyəti yenidən gündəmdədir: Marneuli meri jurnalistlərin suallarını cavablandırıb (VİDEO)

Ötən gün Marneuli şəhərinin Nəriman Nərimanov küçəsində yerləşən beşmərtəbəli köhnə yaşayış binasının eyvanının tavanının çökməsi şəhərdəki köhnə binaların texniki vəziyyəti ilə bağlı məsələni yenidən gündəmə gətirib. 24News.ge xəbər verir ki, 2022-ci ildə eyni küçədə yerləşən yaşayış binasının eyvanlarının uçması nəticəsində iki nəfərin həyatını itirməsi fonunda baş verən son hadisə bu tip binalarda təhlükəsizlik tədbirlərinin gücləndirilməsinin vacibliyini bir daha ortaya qoyub. Son hadisə ilə bağlı jurnalistlərin suallarını cavablandıran Marneuli meri Daur İsmayılov bildirib ki, məlumat daxil olan kimi bələdiyyə nümayəndələri dərhal əraziyə göndərilib və vəziyyət yerində araşdırılıb. Merin sözlərinə görə, problemin həlli genişmiqyaslı işlərin görülməsini və külli miqdarda maliyyə vəsaitinin ayrılmasını tələb edir. Bu səbəbdən Marneuli meriyası məsələnin həlli ilə bağlı mərkəzi dövlət qurumları ilə danışıqlar aparır. Daur İsmayılov həmçinin qeyd edib ki, Marneuli şəhərindəki köhnə çoxmərtəbəli binaların eyvanlarının vəziyyəti ilə bağlı xüsusi araşdırma aparılıb. Ekspertiza rəyinə əsasən, müəyyən edilmiş problemlərin aradan qaldırılması üçün 2 milyon laridən artıq vəsaitə ehtiyac var. Mövzu ilə bağlı daha ətraflı əməkdaşlarımızın hazırladığı reportajı təqdim edirik:

www.24news.ge

Marneulidə köhnə binaların vəziyyəti yenidən gündəmdədir: Marneuli meri jurnalistlərin suallarını cavablandırıb (VİDEO)

Digər xəbərlər