Kobaxidze: “Hakimiyyətin yuxarı eşelonlarını korrupsiyadan tam təmizləmişik”

Baş nazir İrakli Kobaxidze korrupsiyanın 14 illik problem olmadığını və hakimiyyətin yuxarı eşelonlarında sistemli korrupsiyanın aradan qaldırıldığını bildirib. 24News.ge xəbər verir ki, Kobaxidzenin sözlərinə görə, sistemin əsaslı şəkildə yenidən qurulması üçün bir il beş ay vaxt lazım olub. O, hökumət administrasiyasında keçirdiyi brifinqdə jurnalistlərə açıqlamasında bildirib ki, hər hansı nazirin və ya digər yüksək vəzifəli şəxsin korrupsiya sövdələşməsində iştirakına dair fakt təqdim olunarsa, dərhal reaksiya veriləcək. Baş nazir qeyd edib ki, Giorgi Qaxarianın, Mamuka Baxtadzenin və Giorgi Kvirikaşvilinin baş nazir olduğu dövrlərdə sistemli korrupsiya ilə bağlı müzakirələr olmayıb. Onun sözlərinə görə, korrupsiya problemi sonradan üzə çıxıb və bu baxımdan iki il kritik olub. Kobaxidze bildirib ki, problem aşkar edildikdən sonra Bidzina İvanişvili müvafiq açıqlama verib və siyasi proseslərə qayıdıb. Daha sonra həmin bəyanatın icrasına başlanılıb və sistemin yenidən qurulması istiqamətində işlər aparılıb: “Bu gün də sadə təklifimi təkrarlaya bilərəm: əgər hər hansı nazirin və ya digər yüksək vəzifəli şəxsin korrupsiya sövdələşməsində iştirak etdiyinə dair bir fakt belə təqdim etsəniz, dərhal reaksiya veriləcək. Buna görə də bu mövzuda çox əminliklə danışırıq. Hakimiyyətin yuxarı eşelonlarını korrupsiyadan tam təmizləmişik. Aşağı səviyyələrdə isə korrupsiyaya qarşı mübarizə, əlbəttə, davamlı şəkildə aparılmalıdır”, – deyə Kobaxidze bildirib. Baş nazir vurğulayıb ki, hökumət yüksək vəzifəli şəxslərin məsuliyyətə cəlb olunması məsələsində öz üzərinə məsuliyyət götürməyə hazırdır. Keçmiş baş nazir İrakli Qaribaşvilinin məktubları ilə bağlı suala cavab verən Kobaxidze isə bildirib ki, Qaribaşvili heç kimi qurban verməyib və heç kimi qurban vermək imkanına da malik deyil: “İrakli Qaribaşvilinin nə kimisə qurban vermək, nə də kimisə qurban etmək üçün resursu var. Bir daha təkrar edirəm ki, nə onun məktubları, nə də özü hazırda nə komandada, nə də cəmiyyətdə müzakirə mövzu deyil. Korrupsiya çox pis haldır. Biz komanda yoldaşı olmuşuq və təəssüf ki, proseslər başqa istiqamətdə davam etdi. İnsanlıq baxımından bu, çox təəssüf doğurur. Lakin bu məsələni artıq bağlamalıyıq”, – deyə Kobaxidze əlavə edib.

www.24news.ge

Kobaxidze: “Hakimiyyətin yuxarı eşelonlarını korrupsiyadan tam təmizləmişik”

Digər xəbərlər