შავ ბაზარზე 34 მილიონ ლარზე მეტი ღირებულების ნარკოტიკული საშუალება განადგურდა (ვიდეო)

შინაგან საქმეთა სამინისტრომ ქვეყნის მასშტაბით სხვადასხვა დროს ჩატარებული საგამოძიებო ღონისძიებების შედეგად ნივთმტკიცებად ამოღებული 553 კილოგრამი ნარკოტიკული საშუალება გაანადგურა. 24News.ge იუწყება, რომ, სამინისტროს ინფორმაციით, განადგურებული ნარკოტიკული საშუალებების საერთო ღირებულება „შავ ბაზარზე“ 34 მილიონ ლარზე მეტია. ნარკოტიკული საშუალებები ექსპერტიზა-კრიმინალისტიკის დეპარტამენტის თანამშრომლების მიერ თანამედროვე სტანდარტების შესაბამის სპეციალურ მაღალტემპერატურულ ღუმელში განადგურდა. განადგურებულ ნარკოტიკულ საშუალებებს შორის იყო მეტადონი, MDMA, ჰეროინი, კოკაინი, ბუპრენორფინი, ალფა-PVP, კლეფედრონი, ტრამადოლი და კოდეინი. გარდა ამისა, განადგურდა ფსიქოტროპული და ახალი ფსიქოაქტიური ნივთიერებებიც. შსს-ს ინფორმაციით, ნარკოტიკული საშუალებების განადგურების პროცესი მოქმედი კანონმდებლობისა და თანამედროვე ეკოლოგიური სტანდარტების შესაბამისად ხორციელდება. პროცესში შინაგან საქმეთა სამინისტროს მუდმივმოქმედი კომისიის წევრებთან ერთად მონაწილეობენ გენერალური პროკურატურისა და ჯანდაცვის სამინისტროს წარმომადგენლებიც.

www.24news.ge

შავ ბაზარზე 34 მილიონ ლარზე მეტი ღირებულების ნარკოტიკული საშუალება განადგურდა (ვიდეო)

სხვა სიახლეები