თბილისში გზების გადაკვეთებზე ახალი წესი დაინერგება

თბილისში, იმ გზაჯვარედინებზე, სადაც მოძრაობა ინტენსიურია და მიუხედავად შუქნიშნით რეგულირებისა, გადასვლა პრობლემურია, იგეგმება „Yellow Box“-ის სახელწოდებით ცნობილი გზის მონიშვნის გამოყენება. 24News.ge იუწყება, რომ ამის შესახებ თბილისის მერმა კახა კალაძემ ქალაქის მთავრობის სხდომაზე განაცხადა. მისი თქმით, ქალაქში ავტომობილების რაოდენობის ბოლო წლებში მნიშვნელოვნად გაზრდამ სატრანსპორტო მოძრაობის დატვირთულობა კიდევ უფრო გაზარდა. კალაძემ აღნიშნა, რომ 2012 წლამდე თბილისში დაახლოებით 180 ათასი კერძო ავტომობილი იყო, მაშინ როცა ამჟამად პიკის საათებში ქალაქში 900 ათასამდე ავტომობილი გადაადგილდება. მერის თქმით, მძღოლები მაშინაც კი შედიან გზაჯვარედინზე მწვანე შუქზე, როდესაც ხედავენ, რომ წინ გზა ჩაკეტილია, იქ ჩერდებიან და სხვა მიმართულებებიდან მომავალი ავტომობილების მოძრაობას ხელს უშლიან. ეს კი გზაჯვარედინზე და მიმდებარე ქუჩებში საცობის კიდევ უფრო გაზრდას იწვევს. მერის თქმით, მძღოლები მაშინაც კი შედიან გზაჯვარედინზე მწვანე შუქზე, როდესაც ხედავენ, რომ წინ გზა ჩაკეტილია, იქ ჩერდებიან და სხვა მიმართულებებიდან მომავალი ავტომობილების მოძრაობას ხელს უშლიან. ეს კი გზაჯვარედინზე და მიმდებარე ქუჩებში საცობის კიდევ უფრო გაზრდას იწვევს. კალაძემ განაცხადა, რომ საქართველოს „საგზაო მოძრაობის შესახებ“ კანონშიც აღნიშნულია, რომ მძღოლს მწვანე შუქის ანთების შემთხვევაშიაც კი არ შეუძლია გზაჯვარედინის გავლა და დაუშვებელია იქ ისეთი სახით გაჩერება, რომელიც მოძრაობას ხელს შეუშლის. მისი თქმით, ამ წესის ადმინისტრაციული წესით აღსრულება გარკვეულ სირთულეებს ქმნის. ამიტომ საერთაშორისო პრაქტიკაში გამოყენებული „Yellow Box“ სისტემა გზაჯვარედინებზე სატრანსპორტო მოძრაობის რეგულირებას ხელს შეუწყობს. კახა კალაძემ ქალაქის შესაბამის სამსახურს შინაგან საქმეთა სამინისტროსთან ერთად „Yellow Box“ სისტემის დანერგვასთან დაკავშირებით სამუშაოების დაწყების დავალება მისცა. მერი მიიჩნევს, რომ ამ სისტემის დანერგვამ გარკვეულ გზაჯვარედინებზე სატრანსპორტო მოძრაობის მოწესრიგებით შესაძლოა მძღოლებს ქალაქში უფრო კომფორტულად გადაადგილებაში დაეხმაროს.

www.24news.ge

თბილისში გზების გადაკვეთებზე ახალი წესი დაინერგება

სხვა სიახლეები