Gürcüstanda xristianlığın dövlət dini elan edilməsinin 1700 illiyi qeyd olunur

Bu gün, 14 oktyabr tarixi Svetitsxoveli bayramı və Gürcüstanda Xristianlığın dövlət dini elan edilməsinin 1700 illiyi qeyd olunur. 24News.ge xəbər verir ki, Mtsxetadakı Svetitsxoveli Patriarxal Katedralında təntənəli ibadət mərasimi keçiriləcək. Bütün Gürcüstanın Katolikos-Patriarxı, Mtsxeta-Tbilisi arxiyepiskopu, Biçvinta və Suxumi-Abxaziya mitropoliti III Şio Gürcüstan Pravoslav Kilsəsinin Müqəddəs Sinodunun üzvləri ilə birlikdə ayinə rəhbərlik edəcək. İbadət mərasimi saat 10:00-da başlayacaq. Tədbirdə müxtəlif yerli pravoslav kilsələrinin nümayəndə heyətlərinin üzvləri və xaricdən gələn qonaqlar da iştirak edəcəklər. Qeyd edək ki, Svetitsxovloba bayramı ildə iki dəfə – oktyabrın 14-də və iyulun 13-də qeyd olunur. Oktyabrın 14-də kilsə İsa Məsihin köynəyini yad edir, iyulun 13-də isə Məsihin bütün həvarilərinin xatirəsi anılır.

www.24news.ge

Gürcüstanda xristianlığın dövlət dini elan edilməsinin 1700 illiyi qeyd olunur

Digər xəbərlər