Baş prokuror vəzifəsinə namizəd irəli sürülüb

Prokurorluq Şurasında şura üzvü, prokuror Şota Tkeşelaşvili Gürcüstanın baş prokurorunun birinci müavini Giorgi Gvarakidzeni baş prokuror vəzifəsinə namizəd kimi təqdim edib. 24News.ge xəbər verir ki, bu barədə məlumatı Prokurorluq Şurası yayıb. Məlumata görə, Prokurorluq Şurasının iclasında baş prokuror vəzifəsinə namizəd Giorgi Gvarakidze ilə müsahibə 18 iyun tarixində keçiriləcək. Bundan sonra şura üzvləri irəli sürülmüş namizədin lehinə səs verəcəklər. Prokurorluq Şurası dəstəklədiyi Baş prokuror vəzifəsinə namizədi müvafiq əsaslarla Gürcüstan parlamentinə təqdim edəcək. Giorgi Gvarakidze Gürcüstan Prokurorluğunda fəaliyyətə 2003-cü ildə stajçı prokuror vəzifəsindən başlayıb və illər ərzində müxtəlif vəzifələrdə çalışıb. O, Qərbi Gürcüstan regional prokurorluğunun istintaq şöbəsinin baş müstəntiqi, Qərbi Gürcüstan regional prokurorunun istintaq işləri üzrə müavini, Acarıstan Muxtar Respublikasının prokurorluğunun istintaq şöbəsinin rəisi, Kutaisi rayon prokurorunun müavini və Tbilisi şəhər prokuroru vəzifələrində çalışıb.

www.24news.ge

Baş prokuror vəzifəsinə namizəd irəli sürülüb

Digər xəbərlər