Tbilisidə quldurluq və oğurluqda təqsirləndirilən 5 azyaşlı saxlanılıb (VIDEO)

Daxili İşlər Nazirliyinin Tbilisi Polis Departamentinin Yetkinlik Yaşına Çatmayanların İşləri üzrə Baş İdarəsinin əməkdaşları müxtəlif vaxtlarda törədilmiş quldurluq və oğurluq faktları ilə bağlı 5 azyaşlını saxlayıb. 24News.ge xəbər verir ki, bu barədə Daxili İşlər Nazirliyi məlumat yayıb. Məlumata görə, saxlanılanlardan üçü əvvəllər məhkum olunub və hazırda şərti cəza altındadır. İstintaqla müəyyən edilib ki, azyaşlılar əvvəlcədən razılaşaraq qrup halında Tbilisidə fəaliyyət göstərən aptek və ərzaq mağazaları şəbəkələrindən müxtəlif dəyərdə məhsullar oğurlayaraq hadisə yerindən qaçıblar. Araşdırma zamanı, həmçinin müəyyən olunub ki, saxlanılan şəxslərdən biri vətəndaşlara məxsus mopedləri də qanunsuz ələ keçirib. Nazirliyin məlumatına əsasən, azyaşlıların törətdiyi cinayət əməlləri nəticəsində müxtəlif ticarət obyektlərinə 14 min laridən artıq maddi ziyan dəyib. İstintaq çərçivəsində aparılan axtarışlar zamanı ticarət obyektlərinin müşahidə kameralarının görüntüləri maddi sübut kimi götürülüb. Həmin görüntülərin saxlanılan şəxslərin cinayət əməllərini təsdiqlədiyi bildirilir. Polis həyata keçirilən əməliyyat-axtarış və istintaq tədbirləri nəticəsində məhkəmə qərarı əsasında beş azyaşlının hamısını təqsirləndirilən şəxs qismində saxlayıb. Faktla bağlı Cinayət Məcəlləsinin 177-ci (oğurluq) və 178-ci (quldurluq) maddələri ilə istintaq aparılır. Bu maddələr 8 ilədək azadlıqdan məhrumetmə cəzasını nəzərdə tutur.

www.24news.ge

Tbilisidə quldurluq və oğurluqda təqsirləndirilən 5 azyaşlı saxlanılıb (VIDEO)

Digər xəbərlər