Gürcüstan vətəndaşından 3 milyon dollara uran alan şəxsin Türkiyə vətəndaşı olduğu məlum olub

Prokurorluq radioaktiv maddənin qanunsuz əldə edilməsi, saxlanması, sahib olması və ondan istifadə olunmasına cəhd faktlarına görə iki şəxsə qarşı ittiham irəli sürüb. 24News.ge xəbər verir ki, bu barədə məlumatı Gürcüstan Prokurorluğu yayıb. Məlumata görə, Dövlət Təhlükəsizliyi Xidmətinin əks-kəşfiyyat departamenti tərəfindən aparılmış istintaq nəticəsində müəyyən edilib ki, Gürcüstan vətəndaşı qanunsuz olaraq radioaktiv maddə olan uranı əldə edib və saxlayıb. Gürcüstan vətəndaşı bu nüvə materialını 3 milyon ABŞ dolları müqabilində Türkiyə vətəndaşına satmağa çalışıb. Dövlət Təhlükəsizliyi Xidmətinin əməkdaşları hər iki şəxsi saxlayıb. Saxlanılan şəxslərə qarşı Cinayət Məcəlləsinin 230-cu maddəsi ilə (radioaktiv maddənin əldə edilməsi, saxlanması, sahibi olunması və ondan istifadə edilməsi) ittiham irəli sürülüb. Bu maddə 10 ilədək azadlıqdan məhrumetməni nəzərdə tutur. Prokurorluq təqsirləndirilən şəxslər barəsində həbs qətimkan tədbirinin seçilməsi üçün artıq məhkəməyə müraciət edib.

www.24news.ge

Gürcüstan vətəndaşından 3 milyon dollara uran alan şəxsin Türkiyə vətəndaşı olduğu məlum olub

Digər xəbərlər